Davido Build House For The Young Boy Wey Sing Fuji Cover Of Him Song “IF”

OBO baddest Davido don show how generous him de as  him de build House for Utibe (The boy wey sing him Song) and him mother for Lagos.

Utibe go viral for internet last week after him sing Fuji cover of Davido song “if”.

The song touch Davido well well wey make am say him go start to pay the boy school fees and now him de build house for the boy and him mama.

Utibe been drop out of school because money no de, so na to de mime song wey him been de do.

One of the small boy neighbour wey like him work, come upload one video where the boy de sing Davido song for instagram, na where the boy story change oh.

The song come interest Davido, as him come know say the young boy no de go school because of lack of money, Davido come offer to sponsor the boy for school to the highest level wey the boy want.

As OBO come know say the boy Papa don kpai, and him mama de physically challenged with four children and them de live for house wey no good. Now Davido don start to build one fine house for the woman and her children.

Hear This Fuji Version Of Davido’s “IF” by Destiny Boy

 

Leave a Reply

Your email address will not be published.